Home > Dhanushkoti Drama page, Drama Reviews, Reviews Walkthrough, Theater > தனுஷ்கோடி நாடக விமர்சனம் – கல்கி

தனுஷ்கோடி நாடக விமர்சனம் – கல்கி

பிரம்மாண்டங்களின் காலம்

 

ஆனந்த் ராகவ்

 

(கல்கி 14.11.2010 தேதியிட்ட இதழில் பிரசுரமான விமர்சனம்)

Source: Kalki dated 14.11.2010

 

 

திரை விலகி ஒளி விழுந்ததும் தெரியும் பிரம்மாண்டத்தின் பிரமிப்பு அகல கொஞ்ச நேரம் ஆகிறது.  மேடை முழுவதையுமே ஆக்கிரமிக்கும் பெரிய வீடு.  விசாலமான கூடம், முற்றம், சமையல் அறை முகப்பு, மாடி அறைக்குப் படிகள், வலது பக்கம் படுக்கை அறை (விசையை தட்டினால் மின்விசிறி சுழல்கிறது!), நேர் எதிரே வாயிற்கதவு, அதன் பின் தெரியும் வேலியும் செடிகளும்.  இடி, மின்னல், வீட்டின் நடு முற்றத்தில் சடசடவென்று மழை பெய்யும் அழகு என்று வியப்படைய வைக்கிறது அரங்க அமைப்பு.

 

சிரத்தாவின் “தனுஷ்கோடி” நாடகத்தின் ஆரம்பக் காட்சி இது.  1964ல் ஏற்பட்ட பெரிய புயல் மழையில் தனுஷ்கோடி, வெள்ளத்தில் மூழ்கி அழிந்து போனது.  அந்த சூழலின் ஒரு இழையைப் பின்னனியாக்கி, வங்கி அதிகாரி ஒருவர், தன் அறிக்கையால் பாதிக்கப்பட்ட ஒரு ஊழியனால், தன் வீட்டில் சிறை பிடிக்கப்பட்டு மரணத்தின் விளிம்பிலிருந்து தப்பிக்கும் கதையைச் சொல்கிறது நாடகம்.

 

ஆரம்பக் காட்சியை விட அதிக பிரம்மாண்டத்துடன் மிளிர்கிறது நாடகத்தின் இறுதிக் காட்சி.

 

ராட்சத அலை அடித்து அந்த வீடும் (ஊரும்) மூழ்கிப் போவது ஆச்சர்யம்.  பல்வேறு நாடகக் குழுக்களில் இருந்து நடிகர்களையும், தொழில்நுட்பக் கலைஞர்களையும் திரட்டி ஒருங்கிணைத்து வித்தியாசமான நாடகங்களை நடத்த முனைந்திருக்கிற்து சிரத்தா.

 

சாதாரண வசனங்களையும் தம் உச்சரிப்பால் மெருகேற்றுகிறார் காத்தாடி ராமமூர்த்தி.  உணர்வுகளைச் சிறப்பாக வெளிப்படுத்தும் சுந்தர்ராஜனும், தெளிவான வசன உச்சரிப்புடன் பாலாஜியும் போலீஸாய் வரும் கிரீஷும் பாராட்டுக்குரியவர்கள்.

 

உயிரிழப்பும் பொருட்சேதமுமாய் சரித்திரத்தில் பெரிய வடுவாகப் பதிந்து போன சோகமயமான நிகழ்வின் பின்புலத்தில் நடக்கும் நாடகம் என்பதால், அதன் கதையமைப்பு குறித்த எதிர்பார்ப்புகள் அதிகம்.  இந்த நாடகம் இன்னும் பெரிய கதைக் களத்தில், செறிவான பாத்திரப் படைப்புடன் மறு புனரைமைப்பு செய்தால் இன்னும் சிறக்கும்.  ஒரு பிரம்மாண்டமான சூழலை மேடையில் ஏற்படுத்த மேற்கொண்டு இருக்கும் முயற்சியும் அசாத்திய உழைப்பும் பாராட்டுதலுக்குரியன.

  1. No comments yet.
  1. No trackbacks yet.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: